Jeugtrio 1994:

Prinses Saskia I Jacobs

Adjudant Michiel van de Wal

Adjudant Roy Hagens

Veurzitter: Henny Crommentuyn

Ongevier de hièle maond jannewari ging ‘t geruch beej ós op schoeël det ik de nieje prinse van De Wien zoel waere. Maar ik woel det netuurlik neet geluive. Toen ik dónderdaag 20 jannewari thoès kwaam merkte ik det d’r waat ging gebeure daen aovend. Toen ik aan mien moder vroog waat d’r aan de hand waas, zag zeej det ze beej mich thoós foto’s kwaame maake van de Raod van Elf, wao ik toen ouk in zoot. Ik meus mien zwart bóks en miene witte bloes aandoon.

Rónd ach oor kwame allein Leon, Femie en Henny. Det vond ik waal ein bietje raar. De Raod van Elf zoel toch kómme? Nao ein tièdje gezellig geklets te hebbe, vroog Leon aan mich of ik wis waorum zeej beej ós thoès ware. Um ein foto te make toch? Volgens Leon waas det ein smoesje en hae vroog aan mich of IK de nieje Prinses van de Wien woel waere?!?!?!? Ik kreeg traone in mien ouge en zag det ik det hartstikke leuk vond.

Daen aovend waas ‘t nog bere gezellig en kwaam Guus met zien adjudante nog op bezeuk.

Zaoterdaag 22 jannewari waas de groeëten daag van ‘t bekind make. Ik waas doèd nerveus. In kabouterpakke met maske op ginge weej op de buun staon, umdet ik Chantal zien schoeën aan had, dach idderein det het de nieje Prinses zoel waere. Ein veur ein woorte de maskes van Michiel, Roy en mich aafgedaon. Ik waas de nieje Prinses van De Wien en weej hebbe de ganse middaag gedans en gehos. Ouk zien d’r nog vuuël minse mich kómme filisitere, o.a. Beledoko, wao miene meneer Loek seremoniemeister is.

Hoeëgtepunt van mien Prinses zien zoel eine daag later plaatsvinde. De intoch door de straote van ‘t Wienriek. Door hièl slech weer met harde wind ging de intoch jaomer genóg neet door en det vond ik ech hièl erg…….

Maar ’s middaags in de Maaspoort op de groeëte resepsie waas ik det gauw vergaete, Dees middaag waas ‘t hoeëgtepunt wao ik nog dök aan truuk dink.

Ik bedank de jeugkemissie van De Wien veur de geweldigen tièd  en gaef idderein dees gooje raod: As emus óg oeëts vruug um Prins of Prinses te waere van De Wien, zeg dan absoluut gén NAE.

Prinses Saskia I en adjudante Michiel en Roy.



<<< gank truuk nao de trio's van alle jaore