Jeugtrio 1993:

Prins Ruud I Klein

Adjudant Rogier Janssen

Adjudant Roel Koolen

Veurzitter: Leon Bastiaans

’t Begós wie ik via schoeël mich had aangemeld veur Prins of adjudant van Vastelaovesvereiniging De Wien. Want via de Greuneveldschoeël kós idderein zich heej veur aanmelde. Begin jannewarie kwame d’r ein paar veur mich ónbekinde minse rónd zeve oor ‘s aoves aan de deur, met ein groeëte doeës met kleier en fotoapparate. Toen woort mich verteld det ik jeugprins zoel waere van De Wien. Ik waas netuurlik harstikke bliej en ze vertelde mich det de adjudante ouk zoeë kwame. Gans ingepak (zoeëdet ik ze neet kós herkinne) kwame ze binne. Toen ze oètgepak ware bleke det Rogier(eine hiel gooje vrind van mich) en Roel (ein klasgenoot) te zien. Jao, toen ware we euver de schrik haer en kóste we de kostuums aantrekke en foto’s make. Daonao krege we ’t motto in ózze hand en weej meuste det oèt ózze kop lière.

Toen in Grand Kefee Maagdenberg bekind waas gemak, wae ’t nieje trio waas, waas det ein hiel leuke verrassing veur ózze klasgenote.

Weej meuste in de weekends dök nao resepsies, ouk ging de Raod van Elf dök mei, ’t waas altièd ein groeët fees want weej bleve altièd waal efkes hange. De jeugkemissie van de Wien en ós elders ginge altièd met ós mei.

Weej hebbe eine hiele fijne tièd gehad en ’t zal neet leuk zien as ik in jannewarie mót aaftraeje.

Maar, leef minse ‘t waas gewoeën te gek!

 

Groetjes, Jeugprins Ruud I Klein

en zien adjudante Rogier en Roel.



<<< gank truuk nao de trio's van alle jaore