Jeugtrio 1991:

Prins Roel I Christis

Adjudant Judith Jacobs

Adjudant Vincent Lamain

’t Geit good met de jeug oèt de Wien. 

Nao ein aantal magere jaore is ’t aafgeloupe seizoen gelökkig weer waat baeter gegaon met de Wienjeug. Neet det ’t slech ging, maar ós eige kinder van de leeje woorte te groeët veur ‘t jeuggebeure en de nieje Wiener “nachwuchs” waas noch te klein.

Daorum hebbe weej beslaote um de Greunveldschoeël te benadere veur eventuele meiwerking. En met sukses! Zeej vónde ’t ein geweldig idee um ein Wientrio te levere aan De Wien.  En weej meuge gerös spraeke van ein Wientrio ouk al zien eur elders gèn (of nog gèn) lid van ós vereiniging.

De kinder van de Greunveldschoeël greuje toch in de Wien op. Zoeëdoende waas ’t dan ouk meugelik det d’n ièrste prins dae de schoeël leverde, nemus minder waas as de zoon van Vors Kwastius nl. Roel I Christis met zien adjudante Judit Jacobs en Vincent Lamain.

Ouk dit jaor haet de schoeël toegezag meiwerking te verliène aan ós Wienjeug-aktiviteite nl. de Jeugvastelaovesmiddaag, dae, op ’n meneer door ózze Leon aanein gepreveld woort.

Deze is altièd al drök bezóch en d’r is al veur ’t derde jaor op riej ein greujend aantal kinder aanwezig oèt ós eige buurt e.o.

De elders en/of begeleiders kinne sinds aafgeloupe jaor de kinder van oèt de Wintertuin in ’t oug halde ónder ’t genot van ein glaeske. Ouk de kinder zeen dan toch ein bekind gezich in de buurt staon, waat eur ein fijn geveul guuëf.

Veur ’t ièrs is met de jeugmiddaag gènne life-muziek aanwezig gewaes en hadde weej enne echte vastelaovesdisco. Deze woort aafgewisseld met life-optraejes zoeëas Gunsmoke en einen buut van ózze eige hoeëgheid Roel I. 

De jeugkemissie: Henny, Femy en Leony



<<< gank truuk nao de trio's van alle jaore