Jeugtrio 1986:

Prins Peter I Boitelle

Adjudant Mischa Peulen

Adjudant Marco van den Berg

D’n aovend veur 12 januari (jeugbal van de Wien), dus zaoterdaag 11 januari, woort mich gevraog of ik Jeugprins van de Wien woel waere. Netuurlik zag ik: “Jao! Netuurlik wil ik det waere!”
Want ik bin al twieë jaor sirremoniemeister gewaes en dan wil se ouk ens waat anders gaon doon.
Dus dan wuurs se maar jeugprins van de Wien (ouk leuk).
 
Maar ik wis dus waal neet wae mien adjudante ware. Daorum kwame die ’s aoves geblinddook  (ik zelf netuurlik ouk) nao mich thoès, later waas ’t dan zoeë wièd: “Mien adjudante woorte as ièrste de blinddook aafgedaon (det ware Marco en Mischa). En dao nao waas ik aan de beurt, sinds dae'n tièd wis ik dus ouk wae mien adjudante ware.
 
De volgende middaag waas ’t dan zoeë wièd. Weej (Marco, Mischa en ik) woorte dan aan de Wienböl(kes) bekind gemak. Weej hebbe vuuël plezeer gehad dees daag. Weej verheugde ós al op de optóch, gevolg door de groeëte prinserecepsie van Karel I met zien adjudante Henk en Guus. Maar tevergaefs; d'n optóch waas erg naat door de raegen. Toch vuuël lol gehad en good aangekómme beej De Maaspoort, zien weej nao binne gegaon en ós lekker opgewermp.
 
Op eine vrièdaagaovend meuste weej nao Ria Seelen die in ’t gashoès loog. Same met Prins Karel I, Henk en Guus zien weej dan nao baove gegaon, nao Ria Seelen. We hebbe ein leuk bezeuk gehad. De vrièdaag veur vastelaovend zien weej same met de jeugraod de schoeële in de buurt aafgegaon. Det waas ’t dan waat ós betref.
 
Weej wille dan ouk alle minse bedanke die alles veur ós gedaon hebbe. Weej winse dan ouk ’t nieje jeugtrio van 1987 vuuël lol en vuuël plezeer in de kómmende vastelaovend van De Wien ónder ‘t motto van 1987 “Wae had det gedach”.


<<< gank truuk nao de trio's van alle jaore


De Wien Venlo