Jeugtrio 1983:

Prins Koert I Maas

Adjudant Ron Kerkhof

Adjudant Wim Daemen jr.

Op einen aovend det de Joekskemissie vergaderde woort ik opgebeld en vroog de veurzitter van dees kemissie mich of ik Jeugprins van De Wien woel waere. Naodet ik efkes hat euverlag zag ik: Jao, ik doon ‘t, maar wae zien mien adjudante??. Det woorte Wim Daemen en Ron van de Kerkhof. Langzaam kwaam 't groeëte oor doeënderbeej en nao vuuël veurbereidinge woort ik op de Jeugmiddaag as Prins Koert I bekind gemak, same met mien adjudante Wim en Ron. Dit gebeurde euveriges pas naodet ik as Jeugvors Wienius waas aafgetraoje. Beej De Wien kin det. Dink maar ens aan ózze Ald-Prins Gerard II.

Dao zien in Venlo ouk vereiniginge wao de Vors det neet kin, zoeëas hae zelf zaet. Os ièrste offisjeele optraeje waas tièdes de jeugzitting.Ouk ginge we met de Jeugraod van Elf op eine aparte waage met de Wiener optoch nao de Prins van Oranje wao Prins Frits I daen daag resepsie hat. Nao ein korte toespraok tot ‘t trio hebbe we namus de ganse Jeugraod kedoos euverhendig. In deezen tièd waas ouk ein van mien adjudante en waal Ron, jaörig. Same met de Jeugraod hebbe weej dao eine gezellige aovend gehad, wao ouk Prins Frits I met zien adjudante Wiel en Gerard, de Chef de Protocol en de seremoniemeister beej aanwezig ware.

Ein paar daag later zien we nao ‘t schoeëlbal gewaes van de schoeël van adjudante Wim en Ron. Ouk det waas erg gezellig. Ouk ‘t jeugbal in ‘t jeughoès hebbe weej bezóch. Dit waas zoeë ongevier kort samegevat waat eine Jeugprins in De Wien te doon haet.

Naodet d'r nog ein foto van ós trio waas gemak beej eine fotograaf in Blierick, waas ózze aktieve tièd veurbeej. Jaomer genóg steit ós aaftraeje noow veur de deur, waomei dan ein ind aan ós regeringsperiode is gekómme.

Ein hertelik woort van dank vanaaf dees plaats namus mien adjudante Wim en Ron en michzelf aan idderein dae dit leuke fees veur ós haet meugelik gemak.

Ik wil van dees gelaegenheid gaer gebroèk make um ós opvolgers hiël vuuël sukses toe te winse. Gaer wil ik dit stökske besloète met d'n titel van ‘t winnende leedje van Henk van Hoften: Wien, Wien, ik hald van dich".

Prins Koert I

Adjudante Wim en Ron



<<< gank truuk nao de trio's van alle jaore


De Wien Venlo

De Wien Venlo

De Wien Venlo

De Wien Venlo

De Wien Venlo