Jeugtrio 1982:

Prinses Yvonne I van de Hoek

Adjudant Nicole van den Broek

Adjudant Nancy Seelen

Wie miene pap in 1971 prins woort, bin ik gebaore. Ik wis toen nog neet waat mich baove de kop  hong. De ganse vereiniging haet mich met vuuël trala laote inschriève op ‘t stadhoès. 

Ze hadde ein leedje gemak (Jeu Titulaer) met dees teks:

            Ós leef Yvonne

            Wao weej zoeë blie mei zien

            Brach doèzend zónne

            Heej in de Wien

            Ós leef Yvonne

            Dae leuke blaag

            Brach doèzend zónne

            In dees vastelaovesdaag.

Vanaaf daen tièd bin ik de geschiedenis in gegaon as Prinses Wienia! Toen veur ‘t ièrst, in 1982, de jeugprins, adjudante en Raod woort georganiseert, woort mich gevraog of ik de ièrste jeugprinses woel waere. Det heb ik toen gedaon. Ut ièrste jeugtrio bestond oèt: Yvonne van de Hoek, Nicole van de Broek en Nancy Seelen. Ut waas zier geslaag, want vanaaf daen tied is ‘t ein tradisie gewaore.

Idder jaor met vastelaovend waer ik oètgenuuëdig veur de privé-resepsie, dae hièl gezellig is. Prins en adjudante kómme ouk idder jaor op miene verjäördaag.

Ik haop det dit nog vuuël jaore door meug gaon.

Prinses Wienia

 

Kantteikening redaksie: Yvonne kreeg beej ut duipsel de name:

Yvonne – Theodora – Wienia



<<< gank truuk nao de trio's van alle jaore


De Wien Venlo